В Атырау -7 
Қырғызстанның бұрынғы премьер-министрі Сапар Исаков қамауға алынды. Бұл туралы Қырғызстан Мемлекеттік ұлттық қауіпсіздік комитетінің баспасөз қызметі хабарлады.
"2018 жылдың 5 маусымында Қырғызстанның бұрынғы премьер-министрі Сапар Исаковқа қатысты таңдалған бұлтартпау шарасы қамауға алу түріндегі бұлтартпау шарасына өзгерді", - делінген хабарламада.
"Бұл әділетсіздік, сөз жоқ", - деді Исаков журналистерге. 29 мамырда қылмыстық іс аясында экс-премьерге елден кетпеу туралы қолхатпен жүру бұлтартпау шарасы қабылданған.
Сондай-ақ, Қырғызстан Мемлекеттік ұлттық қауіпсіздік комитетінің мәліметінше, Бішкектің бұрынғы мэрі, Кеден қызметінің экс-басшысы Кубанычбек Кулматов қамауға алынды. Оған қатысты қылмыстық іс қозғалды.
Еске сала кетейік, Сапар Исаков парламенттің шешімімен қызметінен кеткен болатын.
Дереккөз: tengrinews.kz