В Атырау +21.7 
«АЖ» бейресми ақпарат көздері бойынша осы жылдың 22 мамырында жергілікті Сыбайлас жемқорлыққа қарсы қызмет ұлттық бюросы департаментінің қызметкерлері Атырау облыстық мемлекеттік сәулет-құрылыс бақылауы басқармасының бірнеше лауазымды қызметкерлерін пара алды деген күдікпен ұстады. Редакцияның сауалына жолдаған жауапта сыбайлас жемқорлыққа қарсы қызмет пара көлемі мен ұсталғандардың санын нақты атамады, бірақ, ақшаны құрылыс-монтаж жұмыстарына рұқсат беруді жеделдету үшін алғандарын хабарлады.
«Ұсталғандарға қатысты ҚР ҚК-нің 366-бабы 3-тармағы 3, 4-тармақшасы («Ірі мөлшерде бірнеше рет пара алу») бойынша сотқа дейінгі тергеп-тексеру басталды, тергеу шаралары жүргізілуде. Басқа да ақпараттар тергеу құпиялылығының мүддесін қорғау мақсатында жария етуге тыйым салынады», - деп хабарлады департамент басшысының орынбасары Мұрат ДАНИЯРОВ.
Біздің бейресми ақпарат көзінен белгілі болғандай, аймақтық мемлекеттік сәулет-құрылыс бақылау басқармасы басшыларының бірі 22 мамыр күні 8 млн теңге көлемінде пара алған.
Айнұр САПАРОВА