Қырық күн шілде алдымызда

2 556 рет қаралды

«Атырау гидрометеорология орталығы» еншілес  мемлекеттік  кәсіпорны метеоболжау бөлімінің бастығы Күләйна МЫРЗАШЕВАНЫҢ айтуынша, маусым айының қалған күндері мен шілде ыстық болады деп күтілуде.

Маусымның екінші онкүндігінде ауа температурасыкүндіз – 25-30 градус жылы. Онкүндік аяғында –  30-35 градусқа дейін көтеріледі.

Үшінші онкүндікте  күндіз – 25 градустан  30 градусқа дейін жылылық болса, кей жерлерде 35 градусқа дейін барады.

Бір айдағы жауын-шашын саны – нормаға (16-20мм) сәйкес келеді, кей жерлерде айдың басы  мен аяғында өткінші жаңбыр жауып, күн күркірейді деп күтілуде. Бірінші онкүндіктің ортасы мен үшінші онкүндіктің аяғында топырақты дауыл тұрмақ.

Екінші онкүндіктің басында оңтүстік-шығыстан секундына 15-20  метр болатын күшті жел, ал, үшінші онкүндіктің аяғында секундына   15-20 метр батыстан соғатын  жел күшеймек.

Шілде.Бұл айдағы орташа айлық температура нормадан 3 градусқа жоғары болмақ. Ауаның ең жоғарғы температурасы  – 38-42 градус болады. Шілденің ортасы мен соңына қарай өткінші жауын жауады деп күтілуде. Жауын-шашын саны – норма шамасында. Айдың ортасында жел секундына 15-20 метрге дейін күшейеді, топырақты дауыл тұрады.

Тамыз.Бұл кездегі температура нормадан жоғары, ауаның орташа температурасы күндіз 35-40 градус болады. 

Сәуле ТАСБОЛАТОВА

13 маусым 2012, 22:32

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.