ҚР ҰҚК шекара қызметінің директоры болып Тұрғанбек Стамбеков тағайындалды

3 526 рет қаралды

АСТАНА, 13 мау – Қазақстан жаңалықтары АА. Қазақстан Республикасы Ұлттық қауіпсіздік комитеті шекара қызметінің директоры болып Тұрғанбек Стамбеков тағайындалды, деп хабарлады мемлекет басшысының баспасөз қызметі. 

«Мемлекет басшысының Өкімімен Қазақстан Республикасы Ұлттық қауіпсіздік комитетінің Шекара қызметі директорының бірінші орынбасары - Бас штаб бастығы Тұрғанбек Мұхаметқалиұлы Стамбековке Қазақстан Республикасы Ұлттық қауіпсіздік комитеті Шекара қызметінің директоры міндетін уақытша атқару жүктелді», - делінген хабарламада.

Мемлекет басшысының өкімімен Нұржан Кершайызұлы Мырзалиев Қазақстан Республикасы Ұлттық қауіпсіздік комитеті төрағасының орынбасары - Шекара қызметінің директоры қызметінен босатылды.

Қазақстан Республикасы Ұлттық қауіпсіздік комитеті Шекара қызметінің директоры Нұржан Мырзалиев отставкаға кету туралы өтініш білдірді.

Дереккөз: "Қазақстан жаңалықтары АА."

13 маусым 2012, 21:31

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.