Атырау, 24 маусым 15:45
Кешке ашық+30, түнде +26
ҚР Ұлттық банкінің валюта бағамы: $ 377.18  € 426.14  P 5.98

Шекарашыларды жерлеу рәсімдері өтіп жатыр

10 маусым 2012 19:13

30 мамыр күні "Арқанкерген" постында өлі күйінде табылған 14 шекарашы мен қорықшыны жерлеу рәсімдері басталды. Әзірше үш шекарашының мүрделері әлі танылмаған күйі қалды.

азақпарат" агенттігінің хабарлауынша, 10 маусым күні Қазақстанның бірнеше облысында қаза болған шекарашыларды ресми түрде жерлеу рәсімдері ұйымдастырылды. Марқұм Ерлан Ақышев (1988 жылы туған) пен Талғат Сәрсембаевтарды (1988 ж.т.) жерлеу рәсімдері Үшарал ауданында өтті.

Жексенбі күні Қарағанды обылсының Балқаш қаласында шекарашы Нұрланбек Мұқашевті (1991 ж.т.) туыстары мен жақындары ақтық сапарға шығарып салды. "Қазақпарат" оның отбасына 1.4 миллион теңге жәрдемақы төленді деп хабарлады.

Тараз қаласы мен Шу ауданында қаза болған жамбылдық екі шекарашы Нұржан Үсіпәлиев (1991 ж.т.) пен Жанат Ілиясовты (1992 ж.т.) жерлеу рәсімдері ұйымдастырылды.

Атырау қаласында марқұм үш шекарашы Данияр Балғабаев (1992 ж.т.), Жеңіс Сағынғалиев (1990 ж.т.) және Бекзат Әмірғалиевтерді (1989 ж.т.) соңғы сапарға шығарып салу жиыны өтті.

Ал Батыс Қазақстан облысының Тасқала ауданы Мерей ауылында «Арқанкерген» постының бастығы, капитан Алтынбек Кереевті (1984 ж.т.) жерлеу рәсімі өтті.

"Қазақпараттың" хабарлауынша, опат болған шекарашылар Рүстем Ақылбаев,  Денис Рей және Мейірхан Именовтің мүрделері әлі танылған жоқ.

30 мамыр күні Алматы облысы Алакөл ауданындағы «Шығыс» аймақтық шекара қызметі Үшарал отрядының "Сарыбөктер" заставасына қарасты "Арқанкерген" постында 14 шекарашы мен бір қорықшы өлі күйінде табылған еді. Бас прокуратура өкілі бірнеше күннен соң табылған тірі қалған жалғыз шекарашы Владислав Челах әскери қызметтестерін "өзі өлтіргенін мойындады" деп хабарлаған. Челахтың туыстары бұл айыптауға сене алмайтындарын мәлімдеген болатын.

Маусымның 10-ы Үшарал қаласынан Алматыға оралған Владислав Челахтың туыстары баспасөз-мәслихатын өткізді.

Дереккөз: Азаттық радиосы

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

2216 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4

Последние новости