Ақтөбе облысындағы автобуста 52 адам өртенген қайғылы оқиғадан кейін ел бойынша жедел-алдын алу шаралары алынуда. Алғашқы күні-ақ, Атырау облысында автобус жүргізушілеріне қатысты 105 хаттама толтырылды, соның ішінде, көлік рөлінде телефон арқылы сөйлескен 15, жылдамдықты арттырған 9 жағдай тіркелді.
***
22 қаңтарда Паровозников көшесінің 44 жастағы тұрғыны дәнекерлеу шамының жарылуы нәтижесінде денесінің 16 пайызын күйік шалды. Зардап шегуші облыстық ауруханаға жатқызылды.
***
23 қаңтарда ұйтқыған жел Мақат ауданы Доссор поселкесіндегі Сарғұнанов атындағы мектептің шатырын (48 ш.м.) жұлып кетті.