АСТАНА, 26 сәу – Қазақстан жаңалықтары АА. Каспийдің қазақстандық бөлігінде 44 кг балықтың уылдырығымен браконьерлер ұсталды деп хабарлайды бейсенбіде ауыл шаруашылығы министрлігінің баспасөз қызметі.
««Бекіре-2012» балық қорғау акциясы бойынша «Облысаралық Орал-Каспий балық шаруашылық бассейн инспекциясы" ММ Исатай балық инспекциясының қызметкерлерімен 20.04.12 жылдың 23.00 сағат шамасында Каспий теңізі жағалауының Исатай ауданы Забурунье кентінің маңында «Казанка» шағын қайығы қолға түсті»,-делінген хабарламада.
Ведомствоның деректері бойынша, ұсталған қайықта: ахан ауы (120х120 мм, ұзындығы 60 м), 8 дана жалпы салмағы 44 кг уылдырығымен бекіре тұқымдас балықтары анықталып тәркіленді. Келісім-шартқа сай тәркіленген балық «Надежда-1» ЖШС-не тапсырылды.
Аталған іс бойынша толтырылған материалдар тергеу органдарына процессуалдық шешім қабылдау үшін жолданды.
Дереккөз: Қазақстан жаңалықтары