Индер мамандарға мұқтаж

Облыс әкімі ауылдық жерлерде 95 дәрігердің жетіспейтінін айтқан болатын.

Тек Индер ауданының өзіне 17 дәрігер, 28 мұғалім қажет. Кадрлардың жетіспеушілігінен зейнеткерлер өз демалыстарына уақтылы шыға алмай отыр. Таяуда аудандық аурухананың бас дәрігері Анар ДОСПАЕВА Ақтөбедегі М. Оспанов атындағы Батыс Қазақстан мемлекеттік медицина университетіндегі мамандықтар жәрмеңкесіне қатысып, 4 жас маманмен келісім шарт жасасып қайтты. Ал әкімдік жас мамандармен баспанамен қамтамасыз етуді өз мойнына алып отыр.

Ләззат ҚАРАЖАНОВА