Атырау, 25 қараша 02:24
 бұлыңғыр болады В Атырау 0
$ 424.49
€ 504.51
₽ 5.59

Көктемгі каникул

1 922 рет қаралды

Жылы жел аймалап көк белді,

Алтын күн шуағын төкті енді.

Аулада күлкілер естіліп,

Басталды каникул көктемгі.

 

Басталып каникул көктемгі,

Қызықты күндер де жетті енді.

Қыздарым аулада мак ойнап,

Ұлдарым алаңда доп тепті.

 

Қызықты күндер де жетті енді,

Сағынып қалыппыз көктемді.

Волейбол, «картошка» ойнаумен,

Батырдық алқызыл кештерді.

 

Түскенде ақшам кеп жамырап,

Қызыққа толады әр шаңырақ.

Даланың өз әнін айтады,

Қорада жас төлдер маңырап.

 

Қуаныш жайлаған жер-көкті,

Әр күнің бейне бір ертек-ті...

Содан соң оқуға барамыз,

Сағынып сүйікті мектепті.

Тарас НАУРЫЗӘЛІ

28 наурыз 2012, 19:42

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.