Қайғылы сапар

Құрманғазы ауданының Балқұдық ауылына қарасты Азғыр бөлімшесінің екі тұрғыны далада суыққа үсіп, бақилық болды.

Азғыр селолық округі әкімінің міндетін атқарушы Маржан НҰРМҰХАМБЕТОВАНЫҢ айтуынша, Балқұдық ауылына қарасты Қатшеген қыстағының тұрғындары – 1966 ж.т. Гүлбаршын Камариденова мен оның 1998 ж.т. ұлы Аслан Камариденов өткен сенбі күні Балқұдық ауылынан сағат түскі 13.00-де шығып, өздері тұратын Қатшегенге жаяу бағыт алған. Жексенбі күні селолық округке олардың жоғалғаны жөнінде хабар келеді. Бір тәуліктен соң, яғни, 27 ақпанда жоғалған адамдардың Балқұдық пен Қатшеген ауылының арасындағы далалықта суыққа үсіп өлгендері анықталып отыр.    

Ләззат ҚАРАЖАНОВА