Балық салоны

27 ақпан күні түнгі сағат бірде Хамит Ерғалиев атындағы ауыл маңында (Аққыстауға жақын) жол полициясының даладағы қуғыны табысты аяқталды.

Олар іздеріне түскен «Мицубиши Монтеро-Спорт» көлігі күртік қарға түсіп кетіп, шыға алмай қалды. Көлік салонынан бір тоннадан астам сазан табылды. Жүргізушіде – Жанбай поселкесінің тұрғынында жүктің жөнелтпе құжаттары болмаған. Ол жаңа ауланған балықтарды ауыл көшесінің ортасынан тауып алғанын түсіндірді. Тергеуді Исатай АІІБ қызметкерлері жүргізуде.

Мұрат СҰЛТАНҒАЛИЕВ

Суретті облыстық ІІД баспасөз қызметі ұсынды