Атырау, 21 ақпан 08:34
Күндіз ашық+7, кешке 0
ҚР Ұлттық банкінің валюта бағамы: $ 376.16  € 406.18  P 5.90

Сәбиге мейірім сыйлаңыз

29 ақпан 2012 20:10

Біздің редакциямызға («ЖС», №5, 2 ақпан, 2012 жыл), «Маған ана боласың ба?») атты мақаладан кейін бала асырап алғысы келетін оқырмандарымыздан көптеген қоңыраулар келіп түсті.

Бала асырап алу туралы шешімге келген жандар бірінші кезекте қалалық білім бөлімініңқорғаншы-қамқоршы органдарына жолығулары тиіс.

Қалалық білім бөлімінің бастығы Фаруза ШАҢГЕРЕЕВАНЫҢхабарлағанындай, бала асырап алуға тілек білдірген адамдардың (адамның) арызы сотта қаралады. 

- Бала асырап алу туралы істерді сот азаматтық іс-жүргізу заңдарында көзделген ережелер бойынша ерекше іс-жүргізу тәртібімен жүргізеді, - дейді Фаруза Ғарифоллақызы. - Балаларды асырап алу туралы істерді сот қорғаншы-қамқоршы органдардың қатысуымен қарайды. Бала асырап алуға тілек білдірген адамдар Қазақстан Республикасының «Неке және отбасы туралы» Заңының 78-бабы, 2-тармағына сәйкес, жергілікті органда есепке алынады.

Бала асырап алғысы келген адамдарға қойылатын ең басты талаптар мыналар: бала асырап алғысы келген адамның атағында баспанасы (үйі немесе пәтері), тұрақты жұмысы және алатын еңбекақысы баланы асырап-бағуға жеткілікті болуға тиісті.

Бала асырап алуға жинақталатын қажетті құжаттар:

1. Асырап алушылардың жеке куәлік көшірмелері;

2. Неке қию куәлігінің көшірмесі;

3. Сотталмағандығы туралы анықтамалары;

4. ІІБ-нің мінездемесі;

5. Денсаулығы туралы медициналық қорытынды;

6. Жұмыс орнынан анықтама;

7. Жұмыс орнынан мінездеме;

8. Бір жылдық еңбекақысы туралы анықтамалары;

9. Өмірбаяндары;

10. Тұрғылықты жерінен анықтама;

11. Үй (пәтер) құжаттары (меншік иесі туралы, үй кітапшасы, акт, келісім-шарты, техникалық төлқұжаты);

12. Асырап алынатын баланың туу туралы куәлігі;

13. Баладан бас тарту туралы нотариалды куәландырылған қолхат;

14. Баланың денсаулығы туралы қорытынды анықтама;

15. Қорғаншы-қамқоршы органының тұрмыстық үй жағдайын зерттеу актісі мен қорытындысы;

16. Бала асырап алу туралы сотқа талап арыз.

Дайындаған Айнұр САПАРОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

4853 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3