Жол жиегінде жан тапсырды

1 785 рет қаралды

22 ақпанда түнде Сырым Датов көшесінде ажал құштырған жол-көлік оқиғасы болды.

Облыстық ІІД баспасөз қызметінің жетекшісі Гүлнәзира МҰХТАРОВАНЫҢайтуынша, жол жиегінде автокөліктің дөңгелегін жөндеп жатқан үш ер адамға жандарынан өтіп бара жатқан  «Лада» көлігі соқтығысқан. Жол-көлік оқиғасы нәтижесінде екі ер адам оқиға орынында көз жұмса, біреуі өте ауыр халде облыстық аурухананың жансақтау бөліміне жеткізілген. Кінәлі адам оқиға болған жерден жасырынып үлгерген. Бірақ, таңғы сағат 5-тер шамасында анықталып, қолға түскен. Ол 2010 жылы жүргізушілік құқығынан айырылған 29 жастағы қала тұрғыны болып шықты. Сараптама жүргізушіден масаюдың жеңіл дәрежесін анықтады. Тергеуді жол полициясының жауап алу бөлімі жүргізуде.

Мұрат СҰЛТАНҒАЛИЕВ

23 ақпан 2012, 14:46

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.