Жаңа ректор келді

Өткен жұма күні ҚР Білім және ғылым министрлігінің бұйрығымен Халел Досмұхамедов атындағы Атырау мемлекеттік университетінің ректорлығына 55 жастағы Қарағанды облысының тумасы, қазіргі кезге дейін С. Аманжолов атындағы Шығыс Қазақстан мемлекеттік университетіне басшылық еткен Бейбіт МАМРАЕВ тағайындалды.

Білім министрлігінің баспасөз қызметі хабарлағандай, Б. Мамраев жоғарғы білім саласындағы тәжірибелі топ-менеджер, филология ғылымдарының докторы, профессор, Еуразия Халықаралық экономикалық академиясының академигі, қазақстандық Пен-клуб мүшесі, дипломатиялық ранг иегері. ҚР Президенті әкімшілігі мен сыртқы істер министрлігінде жасаған жұмыс тәжірибелері бар.

Зульфия ИСКАЛИЕВА