Миллионнан қағылған жолаушы

Облыстық ІІД хабарлағандай, 6 ақпан күні сағат 13.20-да Қайырғали Смағұлов бульвары ауданында ұйымдасқан қылмыспен күрес басқармасының қызметкерлері 16 жарты литрлік құтыларға салынған қара уылдырықты сатпақшы болған 20 жастағы «Хундай» автокөлігінің жолаушысын ұстады.

Заттай айғақтар тәркіленді. ҚР ҚК 183-бабы (көрінеу қылмыстық жолмен табылған мүлікті сатып алу немесе сату) бойынша қылмыстық іс қозғалды. Егер жарты литрлік құтының біреуіне шамамен бір келі уылдырық кететінін  және Атыраудағы қара нарықтағы жеңсік астың 1 келісі қазір 130 мың теңге тұратынын ескерсек,  онда саудагердің қалтасына шамамен 2 млн теңге түсетіндігін есептеп шығару қиын емес.

Мұрат СҰЛТАНҒАЛИЕВ