Иран мұнайы қымбаттауы мүмкін

1 969 просмотра

KazBIN. 30.01.2012.Астана. – «Кеше Иранның мемлекеттік мұнай компаниясының басшысы Ахмад Калебани егер Еуроодаққа мүше мемлекеттер иран мұнайын тасымалдауға эмбарго енгізер болса, мұнай бағасы барреліне $120 немесе $150 болып көтерілетінін мәлімдеді», деп хабарлайды Media Internation Groop агенттігі.

Иранның ұлттық мұнай компаниясының басшысы Тегеран шикізатты сатудың орнына ішкі нарықта қара алтынды өңдеу үшін барлық мүмкіндіктерін кеңейтетінін мәлімдеген. Бүгінде Иран елі мұнай шикізатын ЕО мемлекеттеріне сатуға шектеу енгізу мәселесін талқылауға шындап кірісуде.

Әлемдік мұнай нарығына қатысушылардың 43 пайызы ағымдағы жылдың екінші жартысында мұнай бағасы едәуір көтеріледі деп отыр. Ал қазіргі қара алтынның бағасы барреліне $100 көлемінде.

Дереккөз: KazBIN

30 қаңтар 2012, 17:10

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.