Сазан сазайын тартқызды

«Мұрагер» базарының сазан сатылатын сөрелерінде түсім көбейіпті. Сатушылар 5 келілік балық бағасын 1000 теңгеге дейін түсіріп сатуда. Жұма мен жексенбі аралығында осы мәселеге қатысты 3 адам ұсталған.

20 қаңтарда тал түсте Привокзальныйда «Газель» тоқтатылып, оның кузовынан Ақтөбенің 34 жастағы тұрғынына тиесілі 210 келі сазан табылыпты.

Сол күні кешкісін Құрсай ауылының көлік жолында ВАЗ-21112 көлігінен 196 келі сазан табылған. Оның қожайыны – Балықшы тұрғыны боп шықты.

22 қаңтарда теміржол вокзалының маңында Сарыөзек ауылының тұрғыны ұсталды. Одан 5 центнер сазанның жон еті салынған бірнеше қорап табылған.

Мұрат СҰЛТАНҒАЛИЕВ