Сырғада сыр бар

Мақаттық шаруа бір кеште жиырма шақты ірі қарасынан көз жазып қалды.

Аудан төңірегін шарлаған шаруа табанынан тоза іздегенімен көзге ілінген мал болмады. Күдерін үзе бастағанда Индер ауданы жақтан хабар жетті. Сөйтсе, сол күндері боранда ыққан қырғын сиыр сан шақырымды артқа тастап, Бөдене селосынан бір шығыпты. Онда да округ әкімі Кәрім ХАМИДУЛЛИН сиырлардың сырғасына қарап басқа жақтан ауып келгенін пайымдап үлгерген. Сөйтіп сырғалаудың арқасында сиырларын тапқан шаруаның қуанышы қойнына сыймапты.