Путин: Түркия азамат соғысы жағдайында тұр

1 841 просмотра

РФ Президенті В. Путин тікелей эфирде. Мәскеу, 14 сәуір 2016 жылРесей президенті Владимир Путин "Түркия іс жүзінде азамат соғысы жағдайында тұрған мемлекет" және "бұл елге сапарлау ресейліктер үшін қауіпсіз емес" деп мәлімдеді,- деп хабарлайды Азаттық.

Мәскеуде тікелей эфирден тұрғындар сауалына жауап берген Путин Түркия басшыларын "террористермен күресуден гөрі олармен ынтымақтасып отыр" деп айыптады.

Ол "Түркияны досымыз деп санаймыз, бірақ ақылға қонымсыз іс істейтін кейбір саясаткерлерімен қатынасымыз нашар" деді.

Мәскеу мен Анкараның қарым-қатынасы Түркия 2015 жылы қарашада Сириямен шекарада ресейлік әскери ұшақты атып құлатқан соң нашарлаған. Ұшақ Ресейдің Сириядағы әскери операциясында тапсырмамен ұшып жүрген, бірақ Түркия ұшақ өз әуе кеңістігін әлденеше рет бұзды дейді. Ресей жағы мұны жоққа шығарады.

Дереккөз: Аzattyq.org

15 сәуір 2016, 10:17

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.