Киік мүйізіне толы сөмке табылды

Көрнекі суретАтырау станциясында желілік ішкі істер бөлімінің қызметкерлері «Атырау-Алматы» пойызында жолаушылардың бірінің жүгін тексеру кезінде 260 дана киік мүйізін тауып алды.

Жүк қожайыны – Батыс Қазақстан облысының 28 жастағы тұрғыны ұсталды. ҚР ҚК-нің 339-бабы («Жануарлардың сирек кездесетiн және құрып кету қаупi төнген түрлерімен заңсыз айналысу») бойынша сотқа дейінгі тергеу ісі басталды.