Төрешімен тайталас және Павлодардағы ұтылыс

3 сәуірде Павлодарда футболдан ел чемпионатының 3-туры аясында жергілікті "Ертіс" пен "Атырау" командалары арасында матч өтті.

Бірінші таймда командалар тең ойнаса, кездесудің екінші жартысында қожайындар тізгінді толықтай өз қолдарына алды. Нәтижесінде олар жауапсыз үш гол соқты. Роман МҰРТАЗАЕВ, Сергей МАЛЫЙ және Гогита ГОГУА қанжығаларын майлады. "Атырау" құрамында 65-минутта дөрекі ойыны үшін қорғаушы Владислав КУЗЬМИН сары кәртішкемен жазаланды. Сол сәт төрешімен керісіп қалғаны үшін екінші сары кәртішкені тағы алды. Нәтижесінде қызыл кәртішке алып, алаңнан қуылды. Осы уақытта есеп - 2:0, "Ертістің" пайдасына болған еді.