АҚШ соты Рахат Әлиев құдасының шағымын қабылдамады

1 398 просмотра

Фото: azattyq.orgАҚШ федералдық соты Қазақстан президенті Нұрсұлтан Назарбаевтың бұрынғы күйеубаласы Рахат Әлиевтің жақын іскерлік серігі Девинчи Хуранидің жала жабу туралы шағымын қараудан бас тартты.

Судья Розмари Коллиер 18 ақпанда шығарған шешімінде Хуранидің АҚШ-та орналасқан Psybersolutions LLC саяси кеңес беру компаниясына қарсы шағымын қабылдамай тастады. Хурани шағымында компанияны Рахат Әлиевтің танысы делінетін, жұмбақ жағдайда қаза тапқан Анастасия Новикованың өліміне қатысы бар деп қоғамдық үгіт-насихат жүргізу арқылы беделіне нұқсан келтірді деген. Анастасия Новикова 2004 жылы Бейрутта Хурани мен оның ағасына тиесілі үйдің жоғарғы қабатындағы пәтерден құлап қаза тапқан.

Девинчи Хурани - Назарбаевтың үлкен қызы Дариға Назарбаеваның бұрынғы күйеуі, 2015 жылы ақпанда Вена түрмесінде көз жұмған Рахат Әлиевтің қарындасына үйленген Иссам Хуранидің бауыры.

Дереккөз: azattyq.org

19 ақпан 2016, 09:51

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.