Обама ресейлік армияны "әлемде қуаты жағынан екінші тұр" деп сипаттады

АҚШ президенті Барак Обама сириялық оппозицияның "әлемде қуаты жағынан екінші тұрған" ресейлік армияға қарсы тұра алмайтынын мәлімдеді. Бұл туралы ол Калифорниядағы баспасөз мәслихатында айтты, - деп хабарлайды РИА Новости.

"Егер Ресей біз көріп отырған тәртіпсіз бомбалауларын жалғастыра берсе, меніңше, біз оппозицияның қандай да бір жетістікке жете алмайтынын көреміз. Иә, ресейлік армия ең ірілерінің бірі. Сириядағы көтеріліске қатысушы топтар әлемде қуаты жағынан екінші тұрған қарумен жарыса алмайды", - деп келтіреді агенттік Ақ үй басшысының сөзін.

Обама Сирияның тұрақтануының алғышарты деп саяси трансформацияны атады.

Калифорнияда сөйлеген сөзінде америкалық президент АҚШ пен Ресейдің Сириядағы әрекеттерін осы екі елдің басшыларының қарсыластығының көрінісі деп атауға келмейтінін атап өтті. "Сирия - бұл Путин мен менің жарысымыз емес", - деп келтіреді Обаманың сөзін Bloomberg.

АҚШ президенті Ресейдің араласуынан және оның белгілі бір табыстарынан "Сириядағы соғыс аяқталған жоқ" деді, - деп жазады РБК. "Елдің төрттен үш бөлігін әлі күнге Асад емес, басқа адамдар бақылап отыр. Айтпақшы, мен мұны қуаныштан айтып отырған жоқпын", - деді ол.

Обама Ресейді Сирияда тұйықталып қалуы мүмкін деп есептейді: "Путин Сирияны әрдайым оккупациялауға қаражат шығындаймын деп ойлауы мүмкін, бірақ ол өте қымбатқа түседі. Ресей экономикасына қарасақ, бұл, әрине, Ресей үшін жақсы идея емес".

Дереккөз: tengrinews.kz