В Атырау
+1 
Венесуэла парламенті азық-түлік тапшылығына байланысты елде төтенше жағдай жариялады.
Заң шығарушы органда басымдыққа ие оппозициялық партия депутаттарының айтуынша, негізгі тағам түрлерінің жетіспеушілігі 87%-ға жеткен. Сондай-ақ мемлекетке қарасты 300-ден астам кәсіпорын азық өндіруді тоқтатқан. Оппозициялық партия депутаттары Біріккен ұлттар ұйымының Азық-түлік және ауыл шаруашылығы мекемелері мен ЮНИСЕФ-ке елдегі жағдайдың қаншалықты қауіпті екенін нақтылау үшін арнайы сарапшылар жіберу туралы өтініш жолдаған. Ал парламентте саны аз президенттік партия өкілдері болса, саяси қарсыластарының әрекетін сынап, «бұл қадам АҚШ-тың елге басып кіруіне қолайлы жағдай тудыруы мүмкін» деп ескерту жасауда. Айта кеткен жөн, Венесуэладағы экономикалық ахуал әлемдік мұнай бағасы арзандағаннан кейін ушығып кеткен.
Дереккөз: 24.kz