​Синоптиктер ақпан суық болады деп болжайды

«Қазгидромет» РМК облыстық филиалы метеоболжам бөлімінің бастығы Күлайна МЫРЗАШЕВАНЫҢ айтуынша, күн суыта бастаған.

Таяу күндері ауа температурасы төмендейді: түнде 3-8, кей жерлерде 13-тен 15-20 градусқа дейін аяз, күндіз 3 градус аяз - 2 градус жылылықтан 7-12 градусқа дейін аяз болады. Аязды, желсіз, ауа райының ашықтығы ақпан бойына сақталады деп болжанып отыр.

Наурыздың алғашқы күндері күн біртіндеп жылына бастайды.

Мұрат СҰЛТАНҒАЛИЕВ