В Атырау
+1 
көрнекі суретСолтүстік Кореяның жағалау күзеті кемесі 8 ақпан, Пхеньян алыс қашықтыққа арналған зымыран ұшырған күннің ертеңінде Оңтүстік Кореяға тиесіл теңіз акваториясына кіріп, оңтүстік кореялық әскери кемелер ескерту ретінде оқ атқан соң шегініп кетті.
Солтүстік Корея билігі 7 ақпан күні таңертең президент Ким Чен Ынның бұйрығы бойынша «Кванмёнсон-4» жасанды жер серігін тиеген зымыран ғарышқа сәтті ұшырылғанын, спутник Жерді әр 94 минут сайын айналып шығатынын хабарлаған.
Оңтүстік Корея, Жапония және АҚШ Пхеньянның зымыран ұшыруының шынайы мақсаты - ядролық оқтұмсықты құрлықаралық баллистикалық зымыранмен нысанаға жеткізуді көздейді деп алаңдайды. БҰҰ Қауіпсіздік кеңесі бұған дейін Солтүстік Кореяға зымыран ұшыруға тыйым салған.
БҰҰ Қауіпсіздік кеңесі 7 ақпанда өткізген шұғыл жиынында Пхеньянның зымыран ұшыруын қатаң айыптап, Солтүстік Кореяға қарсы жаңа санкциялар салатын қарар қабылдайтынын мәлімдеген. Мәлімдемені Пхеньянның одақтасы Қытай және кеңестің өзге 14 мүшесі түгел қолдады.
АҚШ-тың БҰҰ-дағы елшісі Саманта Пауэрс қарар тезірек қабылдануы тиіс екенін және онда Пхеньян "мүлдем күтпеген қарсы шаралар" қамтылуы керек екенін айтты.
Дереккөз: azattyq.org