В Атырау +3 
«Уорли Парсонс» компаниясы ғимаратының алдындағы әуежай тас жолында орын алған жол-көлік оқиғасының салдарынан «Ниваның» ішінде отырған 1977 жылғы жолаушы әйел қаза тапты.
Атырау облыстық ІІД баспасөз қызметінің жетекшісі Гүлнәзира МҰХТАРОВАНЫҢ айтуынша, күндізгі сағат 12-лер шамасында «Уорли Парсонс» жақтан әуежай тас жолына Киа көлігі шыққан, рөлде осы компанияның қызметкері отырыпты.
– Киа жүргізушісі Ланд Крузер 200 көлігімен бетпе-бет соқтығысады. Бұл көлік қала жақтан әуежай жаққа қарай бара жатқан. Соқтығысу салдарынан Ланд Крузер қарсы жолаққа шығып кетіп, басқа машинаға - әуежай жақтан келе жатқан Ниваға соққан. Ал артқы жағында келе жатқан ВАЗ-21014 көлігі Нивамен соқтығысады. ЖҚО салдарынан Нива жолаушысы көз жұмды. Оқиғаны анықтаумен ІІД анықтау басқармасы айналысуда, - деп хабарлады Г.Мұхтарова.
Апат куәгерлерінің айтуынша, Нива жүргізушісі ауыр жағдайда жансақтау бөліміне жеткізілген.
Сәуле ТАСБОЛАТОВА