В Атырау -1 
Сурет "АЖ" мұрағатынан алындыАтырау облыстық ІІД террористік тұрғыда осал (ТТО) нысандардың құжаттамаларын дайындамаған барлық меншік түріндегі ұйым басшыларын әкімшілік жауапкершілікке тартатын болады.
Мұндай ТТО нысандары: 1. Адамдар жаппай шоғырланатын нысандар; 2. Аса маңызды мемлекеттік нысандар, стратегиялық нысандар, қауіпті өндірістік нысандар. Өткен жылғы 21 тамызда облыс әкімінің қаулысымен осындай 503 нысанның тізімі бекітілді.
«Терроризмге қарсы іс-қимыл туралы» ҚР Заңына енгізілген өзгерістер мен толықтыруларға сәйкес, ішкі істер органдарына ТТО нысандарының терроризмге қарсы қорғалуын ұйымдастыру және жай-күйін бақылау қызметтері жүктелген.
Ал осы заңның 10-3-бабына сәйкес, нысан басшыларына нысанның тиісті төлқұжатын жасақтау міндеті жүктелген.
ІІД таратқан баспасөз хабарламасында 1 ақпанда 1-санаттағы, ал 1 маусымнан бастап 2-ші санатты нысанды тексеру басталатындығы хабарланған.
ҚР ӘҚтК-ке сәйкес, «антитеррорлық» төлқұжаттың болмауы айыппұл түріндегі жауапкершілікке әкеледі. ТТО нысанының төлқұжатын жасақтау жөніндегі ұсыныстар мен басқа ақпараттарды ІІД-нің экстремизммен күрес басқармасынан 98-22-42, 98-20-74 телефондары арқылы алуға болады.
Мұрат СҰЛТАНҒАЛИЕВ