Ақ үй Путиннің "коррупцияға қатысы барын" растайды

АҚШ қаржы министрлігі өкілінің Ресей президенті Владимир Путиннің коррупцияға қатысы бары туралы мәлімдемесі Вашингтонның ресми ұстанымын білдіреді деп мәлімдеді брифингте Ақ үйдің баспасөз хатшысы Джош Эрнест (суретте) мәлімдеді.

Осы аптаның басында АҚШ қаржы министрінің терроризм және қаржылық қылмыс істері жөніндегі орынбасары Адам Шубин BBC-ге сұхбатында АҚШ Путинді коррупциялық жолмен байыды деп санайтынын айтқан.

"АҚШ қаржы министрлігі өкілінің бағалауы президент әкімшілігінің пікірін білдіреді" деген Эрнест АҚШ Путинге санкция сала ма деген сұраққа жауап бере алмады. Оның сөізнше, санкция салу мәселесі қаржы министрлігінің құзырында.

25 қаңтарда BBC One телеарнасы "Путиннің құпия байлығы" деп аталатын жарты сағаттық фильм көрсеткен. Фильмде Адам Шубин де сөйлеген.

Сұхбатта Шубин Путинді коррупцияға қатысы бар және Вашингтон Ресей президентінің "серіктері мен жақын достарын қалай байытып, өзіне дос санамайтындар мен мемлекеттік активке ие еместерді қалай оқшаулайтынын" көріп отырғанын айтқан.

26 қаңтарда Ресей президентінің баспасөз хатшысы Дмитрий Песков АҚШ қаржы министрлігі Путинге таққан айыптарын дәлелдеуі керегін, бірақ Мәскеу оны талап етпейтінін мәлімдеген. Ол фильмде айтылғандарды "ойдан шығарылған жала жабу" деп атаған.

Дереккөз: azattyq.org