​Аржанов және жаңа ойыншылар

«Атырау» ФК үш жаңа ойыншымен келісімшарт жасап, біреуін ұзартты.

«Атырау» ФК баспасөз қызметі хабарлағандай, 31 жастағы Алексей МУЛДАРОВПЕН келісімшарт жасалған. Ол Владикавказ футболының шәкірті, орталық қорғаушы болып ойнайды. Ресейде 2-лига клубында және Саранскінің «Мордовиясында» ойнаған. Ал 2013 жылы Қазақстанға келіп, «Ақтөбемен» шарт жасасқан. Өткен маусымның алғашқы бөлігінде «Қайсарда», содан кейін «Шахтерде» ойнаған. Қазақстан чемпионатында 69 матчқа қатысып, 3 гол соққан.

Сондай-ақ, 28 жастағы украи-налық жартылай қорғаушы Вячеслав ШАРПАР да ақ-жасыл жейде киді. Оның соңғы клубы «Волынь» болды, бұған дейін «Таврия» (Симферополь), «Илъичёвец (Мариуполь), «Металлист» (Харьков) және басқа да Украинаның жоғары лига командаларында ойнаған. 122 матч өткізіп, 11 гол соғып, 5 голдық пас берген. Команданың тағы бір жаңа ойыншысы, 27 жастағы шабуылдаушы жартылай қорғаушы Павел ШАБАЛИН өткен жылы «Ақтөбе» мен «Оқжетпес» намысын қорғаған, ал, бұған дейін «Ертісте» ойнаған. Ол 2012-2013 жылдары Қазақстанның ұлттық құрамасы сапында үш ойын өткізген.

Сонымен қатар, украиналық футболшы Владимир АРЖА-НОВТЫҢ келісімшарты ұзартылды. Өткен маусымда Аржанов «Атырау» командасы құрамында гол+пас жүйесі бойынша 11 балл жинап (5 гол, 6 голдық пас), үздік атанды.

Мұрат СҰЛТАНҒАЛИЕВ

Суреттерді «Атырау» ФК баспасөз қызметі ұсынды