ЕО министрлері Шенген аймағы ережелерін өзгертуді талап етіп жатыр

АСТАНА. ҚазАқпарат - ЕО-ға мүше елдер өкілдері өз ұлттық шекараларының жіті бақылауда болуын талап етуде.

Еуроодақ елдері әділет және ішкі істер министрлері Гагада шұғыл кездесу өткізгеннен кейін Еуропалық комиссияға олардың елдеріне ағылған мигранттар мәселесін реттеуге мүмкіндік беретін заңнамалық шаралар қабылдау туралы өтінішін білдірді.

Қолданыстағы қағидаға сәйкес Шенгендегі елдің алты айға дейінгі кезеңде өз шекарасын жауып тастауға құқығы бар, алайда Гаагадағы кездесуде министрлер бұл кезеңді екі жылға дейін ұлғайтуды талап етті.

Мәселені Еуропалық комиссия зерделейді, - деп хабарлады Би-би-си.

Дереккөз: inform.kz