В Атырау
+3 
ҚҰРМАНҒАЗЫ АУДАНЫ
Аудан әкімдігінде балабақша кезегінде тұрған 900-ге жуық ата-ананың арызы жатыр. Ал, олардың бәрін бірдей балабақшамен қамту дәл қазір мүмкін болмай отыр.
Қазіргі күні ауданда 21 балабақша болса, соның бесеуі Ганюшкин поселкесінде орналасқан.
- Жуырда 280 орындық балабақша ашылды. Биыл Каспий құбыр желісі консорциумының демеушілігімен тағы бір 280 орындық балабақша құрылысы басталмақ. Осылайша балабақша кезегін бірте-бірте азайтуды жоспарлап отырмыз, - деп хабарлады Құрманғазы ауданы әкімінің орынбасары Муса АБДРАХМАН.
***
МАХАМБЕТ АУДАНЫ
Махамбет ауылында «Теңізшевройл» ЖШС-нің демеушілігімен 280 орындық балабақшаның құрылысы аяқталды.
Аудан әкімінің орынбасары Азамат АЙМАНАКУМОВТЫҢ айтуынша, бұл ауылда балабақша мәселесі осымен толық шешілмек.
***
Махамбет ауылында халыққа қызмет көрсету орталығы ғимаратының құрылысы аяқталды.
Заманауи үлгіде салынған екі қатарлы ғимаратта келушілер үшін барлық жағдай жасалған.
ИНДЕР АУДАНЫ
Ауданда мал сырғалау жұмыстары аяқталуға жақын. Жуырда ауданға 9 мың ірі қараға және 600 түйеге арналған сырғалар әкелінген. Жергілікті мал дәрігерлері биылғы төлге жетерлік сырға қолда бар екенін хабарлады.
***
МАҚАТ АУДАНЫ
Ауданда 65 мекеме 203 мүгедек жанға бірінші кезектегі азық-түлікпен көмектескен. Қайырымдылық шарасы жалғасуда.
Ләззат ҚАРАЖАНОВА