Сауд Арабиясының қаржы нарықтары «есеңгіреп» қалды

Brent мұнайының бағасы 30 доллардан төмендеп кеткенде Сауд Арабиясының қаржы нарықтары әбден «есеңгіреп» қалды. Жыл басынан бері шығындардың көлемі азаяр емес, деп хабарлайды Вести басылымы.

Иранға қарсы санкциялар алынады деген күннен бастап Tadawul индексінің шығындары 7%-ға бір-ақ жетті. Сарапшы Джоэл Левиннің айтуынша, 1-2 күнді санамағанда индекс күн сайын құлдырай берген.

Мұнай бағасының арзандауы Сауд Арабиясының қаржы жүйесіне айтарлықтай нұқсан келтірді.

BNP Paribas сарапшысы Селим Сакирдің мәлімдеуінше, 2015 жылы бюджет зарары 15%-ға көтерілген.

«Нарықтарымызды қайта тұрақты қалыпқа келтіру үшін қазынамызды шоғырландыру керек деп ойлаймыз. Егер қазіргі үдеріс жалғаса берсе, билік өкілдері алдағы 10 жылда барлық қорды тауысуға мәжбүр болады», - дейді Сакир.

Дереккөз: bnews.kz