В Атырау
+3 
Атыраудағы тайғақтың салдарынан облыстық ауруханалардағы травматологиялық бекеттерге келушілер саны артты.
Мұнда күніне, орта есеппен, 50-ге жуық адам хабарласады, олардың кемінде үштен бірі – көшеде тайып құлап, жарақаттанғандар. Иығын, қолын шығарып алу, тобығы тайып кету, қарт адамдардың белін ауыртып алуы сияқты ауыр жарақаттар тіркелуде.
- Пациенттердің соңғы рет осыншама көп болуы 2013 жылғы наурызда байқалып еді, сол кезде де қатты тайғақ болған, - дейді травматологиялық бекеттің меңгерушісі Асхат БИСЕНҒАЛИЕВ. – Хирургиялық отаны қажет ететін ауыр науқастарды стационарда қалдырып, жеңіл жарақаттары бар адамдарға ем-дом жасап немесе гипс салып, жергілікті жерлердегі емханалардың бақылауына жібереміз.
ІІБ баспасөз қызметінің ақпараттары бойынша, тайғақ басталғаннан бері жол-көлік оқиғалары санының өсімі байқалмады. Күніне 10-15 ұсақ ЖКО тіркеледі, облыс орталығында адам өліміне әкелген апаттар болған жоқ.
Зульфия ИСКАЛИЕВА