Ауыр салдарға әкеп соққан қайғылы оқиға Мақат теміржол станциясында орын алды.
10 қаңтарда түнгі сағат 1-де Оңтүстік Қазақстан облысының 39 жастағы тұрғыны қозғалып кеткен тауар пойызының басқышына секірмек болып, құрамның дөңгелегінің астына түсіп қалады. Ер адам шұғыл арада аудандық ауруханаға жеткізіліп, оған ота жасалды.
Мақат ауданының әкімі Берікқали СӘРСЕНҒАЛИЕВТЫҢ айтуынша, зардап шегуші екі аяғынан айырылған, қазір оның жағдайы тұрақталыпты.
Мұрат СҰЛТАНҒАЛИЕВ