Еуропа елдерінде Жаңа жыл қарсаңында лаңкестік қаупі бар

Әртүрлі террорлық топтардың содырлары Жаңа жыл қарсаңында Еуропа мемлекеттері астаналарында терактілер жасалатынын айтып жатыр. Бұл туралы өзінің Венадағы тілшісінің дерегіне сүйенген «Росбалт» хабарлады.

Бірақ тап қандай қалалардың қауіп құшағында тұрғаны ашып айтылмайды.

«Бірқатар ықтимал терроршылардың аттары аталды. Олар тексерілді, алайда, тексеріс белгілі бір нәтиже бергенге дейін жалғаса береді», – деді Австрия полициясының өкілі Reuters агенттігі тілшісіне.

Терактілер отты қару мен жарылғыш заттар арқылы жасалулары мүмкін. Осыған орай елдің ішкі істер министрлігі қырағылықты күшейте түсуде. Алайда, мерекелік шаралар өткізіле береді.

Дереккөз: ras.kz