Фото: sputnik.azӘзербайжан «Гюнешли» кенішіндегі өрт салдарынан көз жұмған мұнайшылардың денесін табу мақсатында каспийлік бассейн елдерінің шекара қызметкерлерінен көмек сұрады. Бұл жайында жексенбі күні баспасөз конференциясында Әзербайжанның мемлекеттік мұнай компаниясының вице-президенті Халиг Мамедов мәлімдеді, деп хабарлайды ТАСС.
«Мемлекеттік мұнай компаниясы өрт зардабынан көз жұмған мұнайшылардың денесін табу үшін Қазақстан, Түрікменстан, Ресей, Иран елдерінің шекара қызметкерлерінен көмек сұрады»,- деді ол. Мамедовтың айтуынша, теңіздегі күшті толқындар салдарынан мұнайшылардың денелері осы мемлекет шекарасындағы жағажайларға өтіп кетуі әбден мүмкін.
Сондай-ақ, компанияның вице-президенті қазіргі уақытта 29 адам із-түзсіз кеткенін мәлімдеді.
Естеріңізге сала кетсек, Әзербайжан мемлекеттік мұнай компаниясына тиесілі терең суда бұрғылау платформасындағы өрт жұма күні жергілікті уақытпен сағат кешкі 17:40-да басталды. Жергілікті БАҚ-тың ақпаратынша, тілсіз жаудың тұтануына газдың шығуы себеп болған.
Дереккөз: bnews.kz
7 желтоқсан 2015, 17:56
Қате таптыңыз ба? Тінтуірмен белгілеп, Ctrl + Enter түймесін басыңыз.
Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.
В Атырау
+3 