Фото: turuhanavia.ru
Нақтыланған деректер бойынша, Краснояр өңірінің солтүстігінде Ми-8 тікұшағының апатқа ұшырауынан 15 адам қаза тапқан, қалған 10-ы жансақтау бөлімінде жатыр. Бұл туралы РИА-Новостиге Батыс Сібір көлік прокуратурасының ресми өкілі Оксана Горбунова мәлімдеді.
«Соңғы нақтыланған ақпаратқа сүйенсек, апаттан 15 адам мерт болған, 10-ы жансақтау бөлімінде жатыр, тағы біреуін құтқарушылар тікұшақтан алып шығуда», - деді Горбунова.
Бұған дейін Краснояр өңірінің Турухан ауданында Ми-8 тікұшағы құлағанын хабарлаған болатынбыз. Алдын ала деректер бойынша, бортта 25 адам болған. Батыс Сібір көлік прокуратурасы да 11 адамның ажал құшып, жетеуінің жапа шеккенін хабарлаған еді.
Дереккөз: bnews.kz
26 қараша 2015, 16:15
Қате таптыңыз ба? Тінтуірмен белгілеп, Ctrl + Enter түймесін басыңыз.
Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.
В Атырау +15.1 