​Екі жасар сәби газдан уланып көз жұмды

Бүгін, 24 қарашада Жылыой аудандық ауруханасына газдан уланған кәмелетке толмаған үш бала мен олардың анасы жеткізілді.

Жылыой ауданы прокурорының орынбасары Жәнібек ҚАРАЖАНОВ хабарлағандай, зардап шеккендер – Құлсары қаласының 2-ші ауыл тұрғындары. Олар жылыту қазандығынан газ кету салдарынан уланған. Оларға медициналық көмек көрсетілгенімен, екі жасар сәбидің өмірін аман сақтап қалу мүмкін болмады, сәби жан сақтау бөлімінде көз жұмды.

Тергеумен Жылыой аудандық ІІБ айналысуда.

Ләззат ҚАРАЖАНОВА