В Атырау
+6 
Атырау облысында ВИЧ/СПИД сырқатының таралуына қатысты жағдай көңіл жұбатарлықтай емес. Бізде ВИЧ жұқтырған 119 адам тіркеліпті.
– ВИЧ жұқтырғандар саны анағұрлым көп болуы мүмкін, өйткені СПИД-те жылдар бойына білдіртпейтін «жабық кезең» болады. Осы уақыт ішінде сырқатқа шалдыққан адам барлық жыныстық қатынаста болған серіктері үшін қауіп көзі екендігін білмей әдеттегіше өмір сүре береді, - дейді СПИД орталығындағылар.
Вирусқа шалдыққандардың ішіндегі ең жасы – 15-ке жаңа толған. Ең үлкені 59 жаста. Вирустың тасымалдануы бойынша бұрынғыша ине арқылы жұқтыру алдыңғы орында. Сырқатты жұқтырғандардың көбі ер адамдар, олардың саны – 77, әйел адамдар – 42. Жас ерекшелік тобы бойынша 20-дан 29 жасқа дейінгі қыздар мен жігіттер көш бастап отыр.
Анастасия ПАСТУХОВА
«АЖ» АНЫҚТАМАСЫ
ҚР-да ресми түрде 2011 жылдың 1 маусымында ВИЧ жұқтырған 16590 адам тіркелген. Оның 355-і 14 жасқа дейінгі балалар. СПИД-пен сырқаттанғандар – 1 357, оның 70-і – балалар. 1035 адам көз жұмған, оның ішінде 6 бала бар. ВИЧ/СПИД-тің таралуы бойынша 100 мың халыққа шаққанда Қазақстан бойынша 82,8 деген, ал 14 жасқа дейінгі балалар арасында – 9 деген көрсеткіш құрап отыр.
ВИЧ жұқтырғандардың көп бөлігі Алматы қаласында (210,9), Павлодар (174,2) және Қарағанды (144,8) облыстарында тіркелген.