В Атырау +3 
Ресейлік ұшақтың бортына бомбаны орналастырғандарға көмектесті деген күдікпен Мысыр әуежайының қызметкерлері ұсталды. Interfax.ru-дың хабарлауынша, Шарм-эль-Шейх әуежайының 17 қызметкері тұтқындалған. Ал оның екеуі ұшақ бортына бомбаны орналастыруға көмек берді деп айыпталып отыр. Естеріңізге сала кетейік, 31 қазан айында таңғы уақытта Шарм-эль-Шейх әуежайынан Санк-Петербург қаласына бағыт алған Ресейдің Airbus A321 азаматтық ұшағы Синай түбегінде апатқа ұшырады. Әуе кемесінің бортында 217 жолаушы мен 7 экипаж мүшесі болған. Ал сейсенбі күні Ресейдің Федералдық қауіпсіздік қызметінің басшысы Александр Бортников ұшақ апатының себебін лаңкестік әрекет екенін мәлімдеген болатын.
Дереккөз/фото: 24.kz
18 қараша 2015, 10:44