Airbus апатын тергеуге АҚШ мамандары қатысады

1 261 просмотра

Египет билігі америкалық мамандардың Синай түбегінде құлаған ресейлік ұшақ апатын тергеуге қатысу өтінішін қанағаттандырды. Бұл туралы CNN телеарнасы эфирінде Египет сыртқы істер министрі Самех Шукри мәлімдеді.

Оның сөзінше, тергеуге апат болған Airbus A321 ұшағының қозғалтқышын жасайтын Pratt&Whitney компаниясымен байланысты мамандар тартылмақ. Шукри ұшақ апатын тергеуге алда АҚШ Федералдық тергеу бюросының мамандары да тартылуы мүмкін екенін жоққа шығармады.

Шарм-эш-Шейх қаласынан Санкт-Петербургке ұшып шыққан ұшақ 31 қазанда апат болып, борттағы 224 адам түгел қаза тапқан. Тергеушілер бұған дейін апатқа ұшақ бортында бомба жарылуы себеп болуы мүмкін деген.

Дереккөз: azattyq.org

11 қараша 2015, 15:11

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.