​Атырауда Фариза Оңғарсыноваға ескерткіш салынады

Атырауда «Ренессанс» қонақ үйінің жанына ақын Фариза ОҢҒАРСЫНОВАҒА ескерткіш салынбақ.

Облыстық мәдениет басқармасы жоба авторы мүсінші Мұрат МАНСҰРОВ екенін, ескерткіштің ұзындығы 8,3 метр болатынын хабарлады.

Ал «Салтанат сарайы» маңында Қазақстан әнұранының авторы Жұмекен НӘЖІМЕДЕНОВҚА ескерткіш орнатылады. Жоба авторы - мүсінші Нурлан ДАЛБАЙ, ескерткіш ұзындығы 8,4 метр болмақ. Екі жобаға да ескерткіштер мен монументтер салу жөніндегі мемлекеттік комиссия келісімін берді.

Мұрат СҰЛТАНҒАЛИЕВ