В Атырау +4 
Жылыой аудандық соты ТШО операторына ҚР ҚК нің 156-бабы 2 тармағымен («Абайсызда денсаулыққа ауыр зиян келтіруге әкеп соққан еңбектi қорғау қағидаларын бұзу іс-әрекеті») үкім шығарды.
Жылыой аудандық прокуратурасының аға прокуроры Алтынгүл ИСМАГУЛОВАНЫҢ айтуынша, оқиға осы жылдың 15 қаңтарында орын алған. Оператор 200 қондырғының 3 ниткасындағы «Ғ-209» аппаратының ішінде газдың бар-жоқтығын тексеру мақсатында задвижканы ашқан. Бірақ, ол мұны жұмысшылардың ғимараттан шығып кеткенін тексеріп алмай жасаған. Задвижканы ашқан кезде сұйық зат жұмысшылардың бірінің бетіне шашырап, ол сол жерде ес-түссіз құлап, бірден ТШО клиникасына жеткізілді. Медиктер зардап шегушінің тыныс алу жолдарының уланғыш заттармен уланып, ауыр дене жарақатын алғанын анықтап отыр.
ТЖ-ға кінәлі сот үкімімен 277 000 теңге айыппұл төлейтін болды.
Ләззат ҚАРАЖАНОВА