Атырауда тағы бір жалған полицей ұсталды («Ұрыға полицей киімі ұнаған»).
4 қарашада түн ортасынан кейін «Батыс-35» полицей патрульдік машинасының экипажы Жеңіс бағының аумағын шарлап жүріп, төрт жас жігітті кездестіреді. Олардың бірі жол-патрулі қызметкерінің формасын киіп алған.
– Жасыл түсті сәуле шағылыстыратын кеудеше мен полицей фуражкасын киген 21 жастағы жігіттің қолында асатаяғы болған, - дейді ІІД баспасөз қызметінің жетекшісі Гүлнәзира МҰХТАРОВА. – Оның айтуынша, ол полицей атрибутын ғаламтор арқылы сатып алыпты.
Жалған полицейге қатысты ҚР ҚК-нің 390-бабы («Билік өкілінің атағын өз бетiмен иемденіп алу») бойынша қылмыстық іс қозғалды. Тергеу жүргізілуде.
Мұрат СҰЛТАНҒАЛИЕВ