В Атырау -7 
Атырауда жұмыс берушілер мен кәмелетке толмаған балалардың ата-аналарына жасөспірімдер түнгі уақытта ойын-сауық орындарында жұмыс жасағаны үшін айыппұл салынды.
Қыркүйекте полиция жүргізген кешкі рейд кезінде қаладағы көптеген ойын-сауық орындарынан заңды өкілдерсіз жүрген кәмелетке толмағандар анықталды. Ойын-сауық орындарының лауазымды тұлғалары түнгі уақытта даяшы ретінде той салтанаттарына қызмет көрсету үшін кәмелетке толмағандарды жұмысқа алған.
- Атырау облыстық кәмелетке толмағандардың ісі жөніндегі мамандандырылған ауданаралық сотында олар ҚР ӘҚтК-те қаралған құқықбұзушылыққа кінәлі деп танылып, 30 және 45 айлық есептік көрсеткіш (59 460 және 89 190 теңге) мөлшерінде айыппұл салынды, - дейді Атырау облыстық сотының баспасөз хатшысы Боранбай ҒАЛИЕВ.
Өз балаларына бақылау жасамаған ата-аналарға 3 АЕК мөлшерінде айыппұл тағылды.
Зульфия ИСКАЛИЕВА