Комедия актері Джимми Моралес Гватемала президенті болып сайланды

Гватемалада өткен президенттік сайлауда комедия актері Джимми Моралес басым дауыспен жеңіске жетті. Бұрын-соңды мемлекеттік қызметті атқарып көрмеген үміткер сайлаушылардың 70%-ға жуық дауысын иеленді, деп хабарлайды Prensa Libre.

Президенттік сайлауда 30,38% дауыс жинаған оның негізгі бақталасы Сандра Торрес жеңілгендігін мойындады. Естеріңізге сала кетсек, Гватемаладағы президенттік сайлаудың бірінші кезеңі 6 қыркүйекте өтті. Ал соған дейін елдің президенті Отто Перес Молина жемқорлыққа қатысты шыққан ірі жанжалға байланысты түрмеге қамалды. Молинаның отставкасынан кейін Гватемала вице-президенті Алехандро Мальдонадо мемлекет басшысы қызметін уақытша атқару үшін ант қабылдады, деп жазады newsru.com.

Дереккөз: 24.kz