20 қазанда Атырау облыстық мемлекеттік қызмет істері және жемқорлыққа қарсы іс-әрекеттер департаментінің қызметкерлері Жылыой аудандық ТКШ бөлімінің басшысын 1,6 млн теңге мөлшерінде пара берді деген күдікпен ұстады.
Пара облыстық мемлекеттік сатып алу басқармасының бас маманына тендерді жүргізгенде оң шешім шығару үшін берілмек болған.
Жылыой аудандық ТКШ бөлімінің басшысына қатысты ҚР ҚК-нің 367-бабы 2-тармағы («Аса көп мөлшерде пара беру») бойынша және облыстық мемлекеттік сатып алу басқармасының бас маманына ҚР ҚК-нің 366-бабы 2-тармағы («Аса көп мөлшерде пара алу») бойынша екі қылмыстық іс көтерілді. Қылмыстық іс тергеліп жатыр, тергеуге байланысты басқа ақпараттар жарияланбады.
Мұрат СҰЛТАНҒАЛИЕВ