Қырғызстан түрмесінде қашқын экстремистердің үшіншісі қайтыс болды

1 833 просмотра

Қырғызстан түрмесінен қашып, ұсталған бесеудің осымен үшіншісі емдеу блогында көз жұмды. Бұл ақпаратты Tengrinews.kz тілшісіне ҚР Жазаны өтеу мемлекеттік қызметіндегілер (ЖОМҚ) растады.

Мұратбек Жұмалиев ұсталғаннан кейін Бішкек түрмесіне қамалған. Ол кеше ауруханаға түсті. Қылмыскердің неден қайтыс болғаны әзірше белгісіз. ЖОМҚ мәліметтері бойынша, Мұратбек Жұмалиев 2012 жылы 15 мамырда сотталып, өмір бойына бас бостандығынан айырылған, сонымен қатар, оның мүлкі тәркіленді.

Айта кетейік, бұған дейін түрмеде Таалайбек Жұманов пен Бақыт Кенжеғұлов қайтыс болды.

Еске сала кетейік, 12 қазанға қараған түні Қырғызстанда 9 адам колонияның үш қызметкерін өлтіріп, түрмеден қашып кеткен. Олардың бесеуі айналма жолда ұсталды. Түрмеден қашқан төртеудің екеуі өмір бойына бас бостандығынан айырылған болса, екеуі тергеуде екен. Іздеудегілер экстремизм мен терроризм үшін қылмыстық жауапкершілікке тартылғандар. Төменгі Нооруз ауылындағы №50 түзету мекемесінен қашқандар заңсыз деп танылған "Жайшул-Махди" партиясының өкілдері болған.

Дереккөз: tengrinews.kz

21 қазан 2015, 16:49

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.