Әлемнің ең нашар әуежайлары белгілі болды

2 111 просмотра

АСТАНА. ҚазАқпарат - Нигерияның Порт-Харкорт қаласының халықаралық әуежайы әлемдегі ең нашар әуежай болып танылды. 26 мың адам қатысқан сұрау нәтижесін The Independent газеті жариялады.

Респондеттер Нигерия әуежайын әлемдегі ең жемқор деп аталды. Сұралғандардың пікірінше, ондағы терминалдар өздеріне жолатпайды, ал әуежай қызметкерлері сапар шегушілерге бірде-бір сұрақ бойынша көмектескісі келмейді. Ғимаратта жұмсақ орындықтар жоқ, ауаны жақсарту жүйесі істен шыққан, ал келу аймағының шатыры лас.

Екінші орында Сауд Арабиясының Жидда қаласынан 19 шақырым жерде орналасқан Король Абдул-Әзиз әуежайы орналасқан. Ол елдің адамдар ең көп жүретін және көлемі жағынан үшінші әуежайы болып саналады. Респонденттер оның терминалдарын «аса толы, бейберекетсіз және лас» деп атаған. Үштікті Непал астанасы Катмандудан 5,5 шақырым жерде орналасқан Трибхуван халықаралық әуежайы жапты.

Тізімде жалғыз еуропалық ел Франция болды. Бове қаласының әуе айлағы 10-шы орыннан көрінді. Саяхатшылар оның терминалдарында орындықтардың жоқ екенін, аз ғана қызметкерлерінің қырғи қабақтығын және Wi-Fi-дің қымбат екенін атап өтті. Рейтингке сондай-ақ Ташкент халықаралық әуежайы, Венесуэла, Гаити, Ауғанстан, Вьетнам және Пәкістанның әуе айлақтары кірді, деп жазады Лента.ру.

Дереккөз: inform.kz

21 қазан 2015, 10:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.